15 ёшли қиз ўғирликка қўл урди
Қиз қўшнисиникига девор ошиб кириб, тилла буюмларини ўғирлаб кетган.
Наманган шаҳар Давлатобод туманида яшовчи фуқаро ариза билан мурожаат қилиб, яшаш хонадонида ҳеч ким йўқлигида номаълум шахс, ҳовлисига кириб, меҳмонхонада бўлган умумий нархи 12 миллион сўмлик бир дона билак узук, икки дона тилла узук, бир жуфт балдоқларини ўғирлаб кетганлигини маълум қилиб, чора кўришни сўраган.
Давлатобод тумани ИИБ ЖҚБ тезкор вакили ва ҲПМБ профилактика инспекторлари томонидан олиб борилган тезкор-қидирув ва суриштирув ҳаракатлари натижасида, ушбу жиноятни, Наманган шаҳар Давлатобод туманида ота-онаси қарамоғида яшовчи, Наманган шаҳридаги мактабнинг 9-синф ўқувчиси содир этганлиги аниқланган.
Ушбу ҳолат бўйича Наманган шаҳар ИИО ФМБ ҳузуридаги Тергов бўлинмаси томонидан 2021 йил 1 декбарь куни Жиноят кодексининг 169-моддаси 2-қисми билан жиноят иши қўзғатилган.
Aввалроқ наманганлик 13 ёшли бола бувисининг сандиғига ўғирликка тушгани ҳамда 18 ёшли фуқаро иккита машинани тунаб кетгани ҳақида хабар берилганди.
Муножат Валиева
