“Фолбин сабаб танамга кириб олган жин мени тинч қўймади"
Доғистонлик машҳур фолбиннинг ўлими очиқланди.
Жорий йилнинг 11 декабрь куни полицияга Махачқалъанинг Загородная кўчасида жойлашган уйлардан бирида 56 ёшли Шовкат Джалаеванинг пичоқланган жасади топилгани ҳақида хабар келиб тушган.
Полиция ходимлари манзилга етиб бориб, тергов ҳаракатларини амалга оширган. Жиноят жойидан ашёвий далиллар олинган.
Воқеадан икки кун ўтиб марҳуманинг қизи полицияга қўнғироқ қилиб бегона одам онасининг уйни ёқиб юборишга уринаётганини айтган.
Олиб борилган тезкор тадбирлар давомида полиция гумонланувчининг шахсини аниқлаб, қўлга олган.
Суриштирув давомида эркак аввалроқ фолбин аёлга шахсий муаммолари билан мурожаат қилганини айтган. Аёл уни сеҳр-жоду қилган. Бироқ сеҳр-жодудан сўнг унинг танасига нотаниш жин кириб олиб, унинг ҳаётини остин-устун қилган, қулоғига тинимсиз гапирган, ухлашига имкон бермаган.
Эркак фолбинни олдига қайта бориб жинни танасидан чиқариб юборишни талаб қилган. Аёл эса уни уйидан ҳайдаб юборган. Шунда эркак фолбиндан ўч олишга қарор қилган. Аёл уйда ёлғиз қолганига ишонч ҳосил қилгач уйга кириб аёлнинг танасига 12 бора пичоқ санчган.
Икки кун ўтиб эса фолбиннинг уйини ёқиб юбориш мақсадида жиноят жойига қайтиб келган. Уйда фолбиннинг қизи бўлган ва у дархол полициячига қўнғироқ қилган.
Ҳозирда терговҳаракатлари олиб борилмоқда.
