Мадагаскарда кема чўкиб кетди
Оқибатда, 17 киши ҳалок бўлди, 40 нафар инсон бедарак йўқолган.
Мадагаскарнинг шимоли-шарқий қирғоқлари яқинида кема ҳалокатга учради. Унинг бортида жами 130 нафар инсон бўлган. Воқеа оқибатида 17 киши қурбон бўлди, уларнинг жасадлари сувдан олиб чиқилган. 60 дан ортиқ одам бедарак йўқолган. 40 киши қутқариб олинди. Бу ҳақда Синхуа хабар қилди.
Кема Антанамбедан чиқиб, Соанерана-Ивангога қараб йўл олган эди. Йўлда двигател хонасига сув оқиб кела бошлади, шундан сўнг кема чўкиб кетган. Давлат порт маъмурияти маълумотларига кўра, чўкиб кетган юк кемаси йўловчи ташиш учун лицензияга эга бўлмаган.
Бундан аввал Нигерияда қайиқнинг ҳалокатга учраши оқибатида 29 киши қурбон бўлгани, шунингдек, Туркияда тўртта саёҳат кемаси ёниб кетгани ҳақида хабар қилинганди.
Насиба Тўхтаева
