Зимбабведа йўловчилари бўлган автобус ёниб кетди
Зимбабве давлатининг шарқида йўловчи ташишга мўлжалланган автобуснинг бензовоз билан тўқнашуви кўплаб қурбонларга олиб келди.
Бу ҳақда “Korrespondent.uz” хабар берди.
Хабарларга кўра, Хараредан Мутаре томон ҳаракатланаётган Бета компаниясига тегишли бўлган автобус қарама-қарши йўналишга чиқиб кетиб, бензовоз билан тўқнашиб кетган. Фақатгина етти кишининг жони сақлаб қолинган.
Автобус ичида ўнлаб йўловчи бўлгани айтилмоқда. Уларнинг барчаси автобуснинг ёниб кетиши натижасида ҳалок бўлган.
Таъкидланишича, қурбонларни шахсини аниқлаш учун суд-тиббиёт экспертизаси талаб этилиши мумкин, чунки айрим йўловчилар таниб бўлмас даражада ёниб кетган.
Аввалроқ Учтепа туманида автобус ёниб кетгани ва Мадагаскарда кема чўкиб кетгани ҳақида хабар берилганди.
Жамшидбек Амиров
