Оқланган шахс зарарни тўлатиш учун судга мурожаат қилса, бож ундириладими? Юрист жавоби

 

ЖАВОБ.

Амалиётчи юрист Саидали Мухторалиевнинг таъкидлашича, мазкур мурожаатчи учун дастлаб жиноий ишлар бўйича биринчи инстансия судининг жазога маҳкум қилиш тўғрисида суд ҳукми чиққан. Сабаби, суд ажрими кейинги (апелляция, кассация) инстанциялар томонидан қабул қилинади.

 

“Агар жазога тортиш ҳақидаги биринчи суднинг ҳукмини бекор қилиш ва судланувчини реабилитация қилиш (оқлаш) ҳақидаги юқори суднинг ажрими чиққан бўлса, демак бу ерда судланувчи адолатсиз ва қонунга хилоф равишда ҳукм қилинган бўлиб чиқади. Бунда мурожаатчи номидан “Давлат божи тўғрисида”ги қонун (иловаси)га кўра фуқаролик судларига мулкий тусдаги даъво киритилганда, даъво баҳосининг 4 фоизи миқдорида давлат божи ундирилиши керак.” – дейди мутахассис.

 

Шу ўринда Саидали Мухторалиев мазкур қонуннинг 8-моддаси 1-қисми 4-бандини ҳам келтириб ўтади:

 

“Фуқаролар фуқаролик судларига қонунга хилоф равишда ҳукм этганлик, жиноий жавобгарликка тортганлик, маъмурий жазо берганлик туфайли жисмоний шахсга етказилган зарарнинг ўрнини қоплаш билан боғлиқ низолар юзасидан даъво ариза киритганда давлат божи тўлашдан озод қилинади(“Давлат божи тўғрисида”ги қонун. 8-модда. 1-қисм. 4-банд;). Бу имтиёз мурожаатчи айтган вазиятга ҳам тегишлидир” – дейди амалиётчи юрист.

 

Аввалроқ боқувчисини йўқотганлик пенсиясини олиш тартиби ҳамда Судланганлик “тамғаси” қачон олиб ташланиши бўйича мутахассис жавоблари берилганди.

 

Оламгир Абдиев