Bloomberg дунёнинг энг бой одамини эълон қилди

 

Энг бой одамларнинг рейтингини эълон қилишни ёқтирадиган Bloomberg Billionaires Index(BBI) нашри ўз амалига содиқ қолган ҳолда дунёнинг энг бой одамлари рўйхатини тузди. Жадвал июль ойида Forbes журнали эълон қилган рўйхатдан мутлақо фарқ қилади.

 

Рейтингнинг энг юқори ўрнида “энг бой одам” деб таърифланаётган шахс, Илон Маск жой олган. Tesla ҳамда SpaceХ директори жорий йил 33.8 миллиард доллар фойда кўрган. Айни вақтда унинг умумий бойли 304 млрд. долларни ташкил қилмоқда.

 

Қизиқ факт: Маскга Калифорния қонуни бўйича энг кам иш ҳақи тўланади.

 

Кейинги ўринда ўтган йилнинг июль ойида дунёнинг энг бой одами деб топилган инсон, “Amazon” компанияси асосчиси Джефф Безос жойлашган. Безос 2021 йилда 3.71 млрд. доллар соф фойда олди. Таҳлилчиларнинг ҳисоб-китобига кўра, ҳозирда “Amazon” онлайн дўкони ҳўжайини 196 млрд. доллар қийматдаги мол-дунё эгаси ҳисобланади.

 

Франциянинг энг бой одами ҳисобланадиган шахс, Бернар Арно эса умумий 177 млрд. доллар бойлик билан учинчи ўринни банд қилган. Дунёдаги энг йирик ҳашаматли маҳсулотлар ишлаб чиқарувчи “LVMH” компанияси эгаси бўлган Арно ўтган йил ҳисобига кўра 1.14 млрд. доллар зиён кўрган.

 

Энг бой бешликни Билл Гейтс(137 млрд. доллар) ҳамда Ларри Пейдж(129 млрд. доллар) якунлаган.

 

“Мeta”(Фейсбоок) асосчиси Марк Цукерберг эса умумий 126 млрд. доллар билан рўйхатнинг 6-поғонасидан жой олган.

 

Қизиқ факт: Мактабда ўқиб юрган вақтлари Цукербергга Microsoft’дан иш ўрни таклиф қилишган, аммо Марк буни рад этган.

 

Маълумот учун, энг кўп тилга олинадиган миллиардерлардан бири Жек Ма бу сафарги бойлар рейтингида 34-ўринни банд қилган. Унинг умумий бойлиги 38,6 млрд. доллар деб баҳоланган.

 

Аввалроқ Ўзбекистон армияси жаҳон рейтингида нечанчи ўринда эканлиги ҳақида хабар берилганди.

 

Оламгир Абдиев