Рим Папаси уйи ҳайвонларини севувчиларни худбинликда айблади
Папанинг фикрича, уларнинг худбинлиги уй ҳайвонларини ўз боласидек тасаввур қилиши ва фарзанд кўрмаслигидир.
“Папа Франциск уй ҳайвонларини боқадиган, аммо оила қуришни, фарзанд кўришни хоҳламайдиганларни худбинликда айблади”, - дея хабар бермоқда The Guardian.
Шунингдек, нашр Рим Папасининг “болаларни уй ҳайвонлари билан алмаштириш бизни одамийлигимиздан маҳрум қилмоқда. Одамлар бу билан оналик ва оталик қадриятларини сақлаб қолишдан бош тортишади, бу эса охир-оқибат цивилизациянинг қуриб кетишига олиб келади”, - дея куйиниб гапирганини ёзган.
“Бугун биз худбинликнинг мана шундай шаклини кузатмоқдамиз. Кўряпмизки, баъзилар фарзандли бўлишни хоҳламайдилар. Баъзида эса битта фарзанд кўриб, шу билан кифояланиб қолмоқда. Бироқ итлар ва мушукларни боқиш оммалашиб бормоқда. Айримлар уларни ўз фарзандларидек кўришади. Албатта кулгили эшитилиши мумкин, аммо бу айни ҳақиқатдир – деган Папа Франциск.
Манбага кўра, қандайдир сабаблар, мисол учун биологик муаммолар туфайли фарзанд кўра олмайдиган жуфтликлар учун уй ҳайвонлари асраб олишни тавсия қилган Папа бундай жуфтликларни ота-оналик бурчидан қўрқмаслиги таъкидлаган.
“Тўғри, фарзанд кўриш хавфли бўлиши мумкин, лекин умуман фарзанд кўрмаслик бу — даҳшат”, - дея қўшимча қилган у.
Аввалроқ Папанинг “келажак авлодларга умид ва ишонч берадиган қарорлар қабул қилиш” кераклиги ҳақида гапиргани хабар қилинганди.
Оламгир Абдиев
