0
Япония ва Австралия ўртасида янги ҳарбий келишув имзоланади
Келишув 6 январь куни эълон қилинади.
Австралия ва Япония мудофаа соҳасида янги шартнома имзоламоқчи. Бу ҳақда австралия бош вазири Скотт Моррисон маълум қилди.
Унга кўра, 6 январь куни икки давлат ҳукумат раҳбарлари виртуал учрашувида ушбу келишув имзоланади.
"Шартнома Япония ва Австралия ўртасидаги мудофаа ҳамкорлигида янги саҳифа очади ҳамда бизнинг Тинч-Ҳинд океани минтақасидаги янги чақириқларга қарши туришга ёрдам беради", — деган у.
Моррисон шартнома Токио ва Канберра қуролли кучлари ўзаро қўшма машғулотлар ёки ҳарбий таълим беришга имкон беришини қайд этди.
Аввалроқ 1 январдан бошлаб Тинч океани минтақасида тарихдаги энг йирик савдо келишуви ишга тушгани ҳақида хабар берилганди.
Жаҳонгир Қўзиев
