2022 йил Полша спортида кўплаб муваффақиятларга бой бўлишини тилайман - Роберт Левандовски
"Полшада йилнинг энг яхши спортчиси" деб топилган футболчи ўз ғалабаси ҳақида гапирди.
"2021 йилда Полшанинг энг яхши спортчиси унвонини олиш мен учун жуда кутилмаган ҳодиса бўлди. Мени бу йўлда қўллаб-қувватлаб турган барча мухлисларимга миннатдорчилик билдираман. Оиламга раҳмат - рафиқам, қизларим, онам, синглим Милена. Сиз менинг таянчимсиз ва сизсиз мен бу ютуқларга эриша олмаган бўлар эдим. Мураббийларим ва жамоадошларимга раҳмат айтмоқчиман. Бундан кейин янада яхшироқ ўйнашда давом этаман. 2022 йил Полша спортида кўплаб муваффақиятларга бой бўлишини чин дилдан тилайман", — деб ёзди Левандовски ўзининг Instagram саҳифасида.
Эслатиб ўтамиз, Левандовски 2021 йил якунлари бўйича "Олтин тўп" учун курашда иккинчи бўлган ва соврин Франциянинг "ПСЖ" клубининг аргентиналик ҳужумчиси Лионел Мессига насиб этганди.
Аввалроқ Роберт Левандовски "Реал Мадрид"га ўтмоқчилиги ва полшалик футболчи янги рекорд ўрнатгани ҳақида хабар берилганди.
Жамшидбек Амиров
