Новак Джокович Мелбурндан Дубайга йўл олди
Судда ютқазганидан сўнг спортчи мамлакатни зудлик билан тарк этишига тўғри келган.
Австралия расмийлари томонидан икки марта визадан маҳрум этилган сербиялик теннисчи Новак Джокович "Emirates Airlines" авиакомпанияси рейси билан Мелбурндан Дубайга учди, деб хабар бермоқда Associated Press.
Якшанба куни Австралия Федерал суди Иммиграция вазири Алекс Хокнинг илгари COVID-19 га қарши эмланмаган Джоковичнинг визасини қайта бекор қилиш ҳақидаги қарорини тасдиқлади. Суд ҳукмини Австралия бош вазири Скотт Моррисон ҳам қўллаб-қувватлади. Джоковичнинг ўзи суд қароридан ҳафсаласи пир бўлганини, бироқ унга амал қилишга ваъда берган.
Эслатиб ўтамиз, "Australian Open" 17-30 январь кунлари бўлиб ўтади, у томошабинлар билан трибуналарда ўтказилади.
Аввал коронавирусга қарши эмланмаган теннисчилар турнирга киритилмаслиги ҳақида хабар берилганди. Джокович иши унинг теннисдаги рекорди ва СOVID-19га қарши мажбурий эмлашга узоқ вақт қаршилик қилганини ҳисобга олиб, бутун дунёда норозилик уйғотди.
