Абу-Дабига фақат кучайтирувчи доза билан эмланган сайёҳлар кириши мумкин
Ҳатто вакцинанинг иккита дозасини олганларга ҳам рухсат берилмайди.
БАА пойтахти Абу-Дабига энди фақат коронавирусга қарши кучайтирувчи доза билан эмланган сайёҳлар киришига рухсат берилади, дея хабар беради АП.
Шу ҳафта бошида шаҳарга кираверишда эмланган мақомини тасдиқловчи "яшил паспорт"ни тақдим этиш кераклиги ҳақида огоҳлантириш пайдо бўлди.
Агентликни таъкидлашича, энди туристлар иккинчи дозадан кейин камида олти ой ўтгач, вакцинанинг кучайтирувчи дозасини олмаган бўлсалар, тўлиқ эмланган деб ҳисобланмайдилар.
Бундан ташқари, Абу-Дабига киришдан олдин коронавирус тестини топшириш керак бўлади. Шаҳарда аллақачон жамоат жойлари ва маъмурий биноларга кириш учун «яшил паспорт» талаб қилинади.
Маълумот учун: БАА аҳолисининг 90 фоиздан ортиғи COVID -19 га қарши тўлиқ эмлангани хабар қилинган эди. Бироқ, декабрь ойида мамлакатда касалланишнинг янги ўсиши кузатилди.
Аввалроқ Хитойда Қишки Олимпия ўйинлари бошланишига 18 кун қолганда илк бор коронавируснинг "Omicron" штамми аниқлангани хабар қилинган эди.
