Низоларни тўхтатинг — БМТ бош котиби
Гутерриш барчани олимпия ярашувига амал қилишга чақирди.
БМТ бош котиби Антониу Гутерриш Пекин олимпиадаси олдидан барча давлатлардан Олимпия ярашувига амал қилишни сўради. Бу ҳақда ташкилот расмий сайти маълум қилди.
“Низолар ва тарангликлар тарқалаётган бир вақтда олимпия ярашуви келишмовчиликларни енгиб ўтиш ва барқарор тинчликка йўл топишга имкониятни тақдим этади. Барчани 2022 йилги Олимпия ва Паралимпия ўйинлари пайтида ярашувга амал қилишга ҳамда улар ўтказилаётган даврда душманлик ҳаракатларини тўхтатишга чақираман”, — дейилади хабарда.
Маълумот ўрнида: Пекинда қишки олимпия ўйинлари 4 февралдан 20 февралгача, Паралимпия ўйинлари 4-13 март кунлари ўтказилади.
