Тelegram асосчиси WhatsApp'даги хавфсизлик муаммоларини танқид қилди

 

У Болденд стартапи Мета мессенжерини бузиш учун воситалар ишлаб чиққани ҳақида хабар берган Форбес мақоласига кескин фикрлар билдирди.

 

2017 йилда ишга туширилган Болденд кибер урушда ёрдам бериш учун ечимлар ишлаб чиқмоқда.

 

 

Нашрнинг ёзишича, Facebookʼга фаол сармоя киритган ва Мета директорлар кенгаши аъзоси Питер Тил стартап яратишда иштирок этгани эътиборга молик.

 

У томонидан бошқариладиган тузилма Болдендга тахминан 10 миллион сармоя киритган. Форбес Болдендга WhatsAppʼни бузишга имкон берган заифлик ўтган йилнинг январь ойида бартараф этилганини таъкидламоқда.

 

Дуров бу янгиликка алоҳида постда муносабат билдирди ва WhatsAppʼ хабарлари "потенциал ҳужумчилар учун йиллар давомида очиқ" эканлигини ва мессенжер яратилганидан бери ҳар доим хавфсизлик билан боғлиқ муаммолар мавжудлигини айтди. 

Дуровнинг таъкидлашича, у бу ҳақда икки йил олдин ёзган ва ўшандан бери ҳеч нарса ўзгармаган.

 

"WhatsAppʼнинг технологик жамоаси жуда қобилиятсиз эканига ишониш қийин. Телеграм анча замонавий ИМ-мижози сифатида ҳеч қачон бундай жиддий хавфсизлик муаммоларига дуч келмаган", — дея хулоса қилди Дуров.

 

Ўтган йил охирида Дуров мессенжерларни, жумладан, WhatsAppʼни АҚШ расмийлари учун махсус "баcк доор" (орқа эшик) яратиб, ҳатто шифрлаш билан ҳимояланган хабарларга ҳам киришга рухсат беришда айблади.

 

Маълумот учун: Дуров Россияда криптовалюталарнинг тақиқланиши, бу кўплаб соҳаларнинг ривожланишига халақит қилиши ҳақида фикр билдирганди.

 

Эслатиб ўтамиз, аввалроқ Телеграм асосчиси Павел Дуров 2011 йилдан буён телефонлари кузатилишини айтганиҳақида хабар берилганди.

 

Чўлпоной Аҳмедова тайёрлади.