Билл Гейтс — ёзувчи
Миллиардер пандемия тўғрисида китоб ёзди.
Microsoft асосчиси Билл Гейтс келажакдаги пандемияларни олдини олиш ҳақида китоб ёзди. Бу ҳақда "РИА Новости" хабар берди.
Китоб "Қандай қилиб кейинги пандемиянинг олдини олса бўлади?" деб номланади. Хабарда айтилишича, у 2022 йил майида нашрдан чиқади.
"Китобда нафақат кейинги пандемияларни тўхтатиш, балки бутун дунёда барча учун самарали соғлиқни сақлаш тизиминм яхшилаш бўйича аниқ қадамларни ёзганман. Мен ушбу пандемиядан олишимиз керак бўлган сабоқларни ва одамлар ҳаётини асраб қолиш учун зарур инновацияларни баён қиламан" — деган Гейтс.
Шунингдек, миллиардер оммавий соғлиқни сақлаш тизими раҳбарлари, хусусан, АҚШ бош инфекционисти Энтони Фаучи ва ЖССТ бош директори Тедрос Аданом Гебрейесус билан суҳбатларини ёритишга ҳам ваъда берган.
Билл Гейтс пандемия борасида доимий равишда бир қанча фикрларни билдириб ўтган. Хусусан, аввалроқ у "omicron" туфайли кўпчиликда коронавирусга қарши иммунитет пайдо бўлишини маълум қилганди.
Жаҳонгир Қўзиев
