WBC йуналиши бўйича жаҳон чемпиони ҳибсга олинди
У оила аъзоларига тан жароҳати етказганликда айбланмоқда.
Ўрта va биринчи ўрта вазн тоифасида WBС йўналиши бўйича амалдаги жаҳон чемпиони америкалик боксчи Жермалл Чарло ҳибсга олинди. Бу ҳақда “Boxing Scene” нашри хабар берди.
Манбага кўра, Чарло оила аъзосига ҳужум қилиб, тан жароҳати етказганликда айбланмоқда. Агар Жермал айбдор деб топилса, икки йилдан ўн йилгача қамоқ жазосига ҳукм қилиниши мумкин. Жермал ҳозирда ҳибсда. Унга 10 минг доллар гаров пули белгиланган.
Боксчи аввал ҳам қонун билан боғлиқ муаммоларга дуч келган. У ўтган йилнинг август ойида у Сан-Антонио шаҳридаги барлардан бирида официант билан можародан кейин ҳибсга олинган, аммо кейинчалик боксчидан барча айбловлар олиб ташланган.
Аввалроқ, бокс бўйича жаҳон чемпионатининг соврин жамғармаси маълум бўлгани va Менни Пакьяо боксчилик фаолиятини якунлагани ҳақида xabar берилганди.
Жамшидбек Амиров
