Оскар мукофотига янги номинация қўшилди

 

3 нафар фаол иштирокчилар бу йилги маросимда меҳмон бўлади.

 

94-Оскар мукофотини топшириш маросимида биринчи марта томошабинлар ўзларининг севимли филмларини танлашлари мумкин бўлиб, у махсус фойдаланувчи номинациясида норасмий мукофотга эга бўлади.

Бу ҳақда The Hollywood Reporter ёзмоқда. 

 

Овоз бериш Twitter ижтимоий тармоғи кўмагида бўлиб ўтади ва интернет фойдаланувчиларидан 3 нафари Оскар-2023 маросимининг меҳмони бўлади. Ва уларнинг барча саёҳат харажатлари қопланади.

 

Қайд этилишича, бу янгилик сўнги вақтларда Оскар мукофотининг рейтинглари тушиб кетиши фонида пайдо бўлган. Шундай қилиб, маросимда Twitter фойдаланувчилари oscarsfanfavorite.com сайтида 2021 йилги фильмга овоз беришлари мумкин бўлади. Мухлислар ҳали ҳам #OscarsFanFavorite хештегидан фойдаланиб, ўз севимли филмларини твит қилиш имкониятига эга.

3-мартгача энг кўп мухлислар овозини тўплаган лента Оскар 2022 трансляцияси вақтида тақдирланади. Акциянинг бешта иштирокчиси йиллик кино талони, стриминг хизматларига обуна ва Академия музейи дўконидан эксклюзив буюмлар билан катта совринлар пакетини олади.

 

Кино мухлислари кунига 20 мартагача пост қўйишлари мумкин бўлади. Овоз бериш муддати 14 февралдан 3 мартгача. Шунингдек, улар филмдаги ўзлари ёқтирган саҳнага ҳам овоз бериш имкониятига эга.

 

Маълумот учун: бу йилги "Оскар" йилнинг бош кино мукофотини топшириш маросими 27-март, якшанба куни бўлиб ўтади. Маросимни 3 йил ичида биринчи марта мезбон олиб боради.

 

Эслатиб ўтамиз, аввалроқ "Эмми—2021" мукофотининг номзодлари номи маълум бўлгани ҳамда 2021 йилнинг энг яхши фильми эълон қилингани  ҳақида хабар берилганди.

Насиба Тўхтаева