Фарғоналик фирибгарлар 30 та талабани "чув туширди"
Улар Қирғизистонда таҳсил олаётган талабаларга ўқишини Ўзбекистонга кўчириб беришни ваъда қилган.
Маълум бўлишича, фуқаролар Ш. И., М.А., Ж.О. ва Н.У. фуқаро М.дан Қирғизистондаги Ўш давлат университетида таҳсил олаётган 30 нафар талабанинг ўқишини Ўзбекистон олий таълим муассасаларига кўчириб беришни ваъда қилган.Улар бу хизмати учун 67 минг доллар олаётганида ДХХ ва прокуратура ходимлари томонидан қўлга олинган.
Ҳолатни Бош прокуратура ҳузуридаги Иқтисодий жиноятларга қарши курашиш департаменти ҳамда ДХХнинг Фарғона вилояти бошқармалари назоратига олган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, аввалроқ Кореяга ўқишга юборишни ваъда қилган фирибгарнинг ҳийласи иш бермагани ҳамда Бухорода тиббиёт коллежига 400 доллар эвазига ўқишга киритишни ваъда қилган шахс ушлангани ҳақида хабар берилганди.
