Айни пайтда Украинада қанча ўзбек фуқароси бор?
ТИВ расмий вакили мамлакатдаги ўзбеклар сони ва уларни эвакуация қилиш режаси ҳақида маълумот берди.
Хабарга кўра, айни вақтда Украина ҳудудида 4300 га яқин Ўзбекистон фуқароси бўлиб турибди.
Ҳозирда Ўзбекистон Республикасининг Киевдаги Элчихонаси томонидан эвакуация режаси ва Украина ҳудудини тарк этишни хоҳловчи фуқаролар рўйхати ишлаб чиқилмоқда. Украина ҳаво ҳудудининг ёпилганини инобатга олган ҳолда жўнаб кетиш йўналишлари ва жойи ишлаб чиқилмоқда. Шу мақсадда, биринчи навбатда, қўшни давлатлар орқали жўнаб кетиш йўналишлари ва кейинги бориш манзиллари ўрганилмоқда.
Шунингдек, Ўзбекистоннинг Украинадаги Элчихонаси маълумотига кўра, жабрланганлар орасида Ўзбекистон фуқаролари қайд этилмаган.
