Мен билан музокара столига ўтир, нимага қўрқяпсан – Зеленский
Украина Президенти Путинга мурожаат қилди.
Киевда бўлиб ўтган пресс-конференцияда Владимир Зеленский Путинга мурожаат қилиб, унга юзма-юз музокара ўтказишни таклиф қилган.
“Мен билан музокара столига ўтир, нимага қўрқяпсан? Шольц ёки Макрон билан бўлгани каби 30 метр нарида эмас, ёнма-ён ўтириб гаплашайлик. Ахир мен қўшниман, тишлаб олмайман, туппа-тузук эркакман. Биз ҳеч кимга таҳдид қилмаяпмиз, террорчи эмасмиз, бировнинг ерини тортиб олмоқчи ҳам эмасмиз. Биз НАТОда эмасмиз, ядро қуролимиз ҳам йўқ”, деган у.
