ФИФАдан украиналик футболчиларга яна бир янгилик
Украиналик футболчи ўйнамоқчи бўлган клуб уни трансфер ойнасидан ташқарида рўйхатдан ўтказиши мумкин.
Халқаро футбол федерацияси (ФИФА) украиналик футболчиларга исталган вақтда у ёки бу клубга ўтишга рухсат берувчи регламентга ўзгартириш киритди, деб хабар бермоқда ФИФА матбуот хизмати.
Украиналик футболчи ўйнамоқчи бўлган клуб уни трансфер ойнасидан ташқарида рўйхатдан ўтказиши мумкин.
Қарор Россиянинг Украинадаги ҳарбий операцияси билан боғлиқ. Бу, хусусан, Украина футбол чемпионатининг тўхтатилишига олиб келди.
Аввалроқ ФИФА Европа футбол ассоциациялари иттифоқи (УЕФА) билан биргаликда Россия футболига нисбатан санкциялар жорий қилган эди. Шу тариқа, Россия терма жамоаси ва Россия Федерацияси клублари ушбу ташкилотлар шафелигидаги мусобақаларда иштирок эта олмайди. Бундан ташқари, ФИФА Россия чемпионатида тўп сураётган легионерларга 30-июнга қадар маҳаллий клублар билан шартномани бир томонлама тўхтатиб туриш ва тегишли муддатга хорижликлар билан шартнома имзолаш имконини берди.
Насиба Тўхтаева
