Польшада АҚШнинг ҳарбий иштироки кучайтирилиши мумкин
Шунингдек, поляк ерларида қанча америкалик аскарлар борлиги очиқланди.
Польшада АҚШнинг доимий ҳарбий базалари пайдо бўлиши мумкин. Бу ҳақда мамлакат мудофаа вазири Мариуш Блащак маълум қилди
.
“Бу нарса НАТОнинг июнь ойида бўлиб ўтадиган Мадрид саммитидан кейин маълум бўлади. Ҳозирда ушбу масала муҳокама қилинмоқда. Биз аста-секин бу йўналшда ҳаракат қилмоқдамиз”, – деган у.
Шунингдек, Блащак ҳозирда Польша ҳудудида 10 минг АҚШ аскари жойлаштирилганини айтган. “Бундан ташқари, бизда румын, британиялик, канадалик ва Хорватия ҳарбийлари ҳам жойлаштирилган”, – деб қўшимча қилган мудофаа вазири.
Ҳозирга қадар Польша ҳудудида бирорта доимий АҚШ ҳарбий базаси мавжуд эмас.
Аввалроқ НАТО Европада жами қанча қўшин жойлаштиргани очиқланганди.
