Трамп АҚШ тарихидаги энг шармандали воқеани айтди
Шунингдек, у Байден нимадан қўрқишини очиқлаган.
Байден Россиянинг ядро қуролидан қўрқади. Бу ҳақда АҚШ собиқ президенти Дональд Трамп маълум қилди.
Собиқ президент бу ҳақда Флоридадаги тарафдорлари олдидаги чиқишида айтган. Трамп анъанага кўра, давлат ички ва ташқи сиёсатини танқид қилган. Хусусан, у жорий администрацияни “Афғонистондаги даҳшатли таслим бўлиш”да айблаган.
“Бизда афғон инқирози бор эди, мен уни тарихимиздаги энг шармандали давр деб биламан. Энди эса Украина инқирози, бу ўта йирик гуманитар инқироз. Байден ядро қуролига эга давлат (Россия)га ҳужум қилиб бўлмаслигини айтди. Биз (АҚШ) қўрқамиз”, деган Трамп.
Аввалроқ Трамп нима учун Путинни тўхтатиб бўлмаслигига изоҳ берганди.
