Оқ уй матбуот котибида COVID -19 аниқланди
Энди у Байденга Европа сафарида ҳамроҳлик қилолмайди.
Оқ уй матбуот котиби Жен Псакининг Европага сафари олдидан коронавирус учун топширган тест ижобий чиқди.
"Бугун Европага сафарга тайёргарлик кўриш чоғида эрталаб синовдан ўтдим ва ижобий натижа олдим ", - деди Псаки баёнотида.
Унинг таъкидлашича, энди у АҚШ президенти Жо Байденга Европа сафарида ҳамроҳлик қила олмайди.
Бироқ, Псакининг айтишича, Байденнинг CОВИД-19 тести салбий натижа берган. Унинг таъкидлашича, Псаки бир кун олдин президент билан учрашувларда ижтимоий масофани сақлаган.
Оқ уй матбуот котибининг қўшимча қилишича, ваксина олгани туфайли унда касаллик енгил аломатлар билан ўтмоқда.
Эслатиб ўтамиз, аввалроқ АҚШ президенти Байден шу ҳафтада Брюссел ва Варшавага ташриф буюриши хабар қилинганди.
