Польша 45 нафар россиялик дипломатни чиқариб юборса, бундай ҳаракатлар жавобсиз қолмайди – Песков
Кремл Полшага жавоб қайтарди.
Полша 45 нафар россиялик дипломатни чиқариб юбориш ниятида бўлса, унда бундай ҳаракатлар жавобсиз қолмайди, деб ваъда берди президент матбуот котиби Дмитрий Песков.
Унинг қайд этишича, Кремл бу ҳақда ОАВ хабарлари орқали билган.
“Агар бу хабарлар рост бўлса, бу муносабатларимизнинг барча жабҳаларида эркин пасайишнинг давоми. Албатта, бундай ҳаракатлар жавобсиз қолмайди”, деди Песков.
Аммо қарши жавоб қандай бўлишига тўхталмаган.
23-март куни Полшанинг “Онет” нашри ҳукуматдаги манбаларга таяниб, ўз мақомига тўғри келмайдиган фаолияти учун россиялик дипломатни мамлакатдан чиқариб юбориш қарорини эълон қилди. Кейин Полша ички хавфсизлик агентлиги вакили расман тасдиқладики, гап 45 дипломатни чиқариб юбориш ҳақида кетмоқда.
