Самарқандда маст эркак “Некcия–2”ни ўғирлаб, “Дамас” билан ЙТҲга учради
Ҳозирда қонунбузарга ниcбатан жиноят иши очилган.
Нарпай туманинининг Вористон қишлоғида маст эркак 24 ёшли ҳайдовчига тегишли автомашинани олиб қочиб, ЙТҲга учради. Бу ҳақда ИИВ ҳузуридаги Тергов департаменти ахборот хизмати хабар берди.
Маълум қилинишича, эркак “Некcия–2” русумли транспорт воситасининг эшиклари очиқлиги ва калити ўзида эканидан фойдаланиб, уни номаълум томонга олиб кетган. Шундан сўнг у “Самарқанд–Бухоро” йўналишидаги автомобиль йўлида қарама-қарши йўналишда ҳаракатланиб келаётган “Дамас” автомашинаси билан тўқнашиб, ЙТҲ содир этган ва воқеа жойидан яширинган.
Туман ИИБ томонидан олиб борилган тезкор ҳаракатлар натижасида қонунбузар процессуал тартибда ушланган.
Ҳозирда мазкур ҳолат юзасидан Жиноят кодексининг 267-моддаси 1-қисми (транспорт воситасини олиб қочиш) билан иш очилиб, тергов ҳаракатлари олиб борилмоқда.
Аввалроқ Самарқанд шаҳрининг “Фирдавсий” кўчасида Некcия ҳайдовчиси пиёдани уриб юборгани хабар қилинганди.
Жавоҳирбек ТУРCУНОВ
