НАТО ҳарбий тайёргарликни кучайтиради
Алянс минтақа шарқида тўртта янги тактик гуруҳ тузишга қарор қилди.
НАТО етакчилари Болгария, Венгрия, Руминия ва Словакияда тўртта янги тактик гуруҳ тузишга келишиб олдилар.
“Россия ҳаракатларига жавобан биз НАТОнинг мудофаа режаларини фаоллаштирдик, НАТОнинг жавоб кучлари элементларини жойлаштирдик ва шарқий қанотимизга 40 минг аскарни, шунингдек, алянснинг бевосита қўмондонлиги остидаги муҳим ҳаво ва денгиз кучларини жойлаштирдик. ”, - дейилади Шимолий Атлантика алянси мамлакатлари давлат ва ҳукумат раҳбарларининг Брюсселда бўлиб ўтган саммит якунлари бўйича баёнотида.
НАТО етакчилари “барча соҳаларда барча иттифоқчиларнинг хавфсизлиги ва ҳимоясини таъминлаш учун” чора-тадбирлар ва қарорлар қабул қилинганини эълон қилди. НАТО бу чораларни профилактик, мутаносиб ва кескинликка олиб келмайдиган чоралар деб атайди.
Саммит иштирокчилари, шунингдек, "сўнгги ўн йилликларда Евро-Атлантика хавфсизлигига энг жиддий таҳдидни ҳисобга олган ҳолда" унинг "узоқ муддатли тўхтатиб туриш ва мудофаа позициясини" сезиларли даражада мустаҳкамлашга ва ишончни таъминлаш учун зарур бўлган жанговар қобилиятларнинг тўлиқ спектрини ривожлантиришга ваъда беришди.
“Биз кимёвий, биологик, радиологик ва ядровий таҳдидларга ҳам қарши тайёргарлигимизни оширамиз”, деди НАТО етакчилари.
Сиёсатчилат кейинги қарорлар Мадридда қабул қилинишини маълум қилди.
