0
Узоқ йиллик танаффусдан сўнг Мўйноқ аеропортига самолёт қўнди
Мазкур аеропортда реконстукция ишлари амалга оширилаётган эди.
Бугун, 26 март куни “Uzbekistan airways” авиакомпанияси Тошкент-Нукус-Мўйноқ авиақатновини амалга оширди. Бу ҳақда компания матбуот хизмати хабар берди.
Маълум қилинишича, Мўйноқ аеропорти 1990-йиллардан бери авиаташувлар учун фойдаланилмаётган эди. Илгари ушбу аеропортдан Нукус, Урганч, Тошкент ва мамлакатимизнинг бошқа шаҳарларига парвозлар амалга оширилган.
Ҳукумат қарорига асосан, аеропортни реконструкция қилиш 2019 йилда бошланган. Ҳозирга келиб ушбу аеропортнинг терминал биноси, аеропорт атрофидаги тўсиқлар ва учиш-қўниш йўлаги барпо этилган.
Аввалроқ Саудия Арабистонидан Тошкентга мунтазам рейс йўлга қўйилгани хабар қилинганди.
