Олдинда кўп қийинчиликлар бор — Германия президенти
Франк-Вальтер Штайнмайер Россияга қарши санкцияларнинг акс таъсири ҳақида гапирди.
Германияни оғир кунлар кутмоқда. Бу ҳақда мамлакат президенти Франк-Вальтер Штайнмайер маълум қилди.
Штайнмайер бу Россияга қарши киритилган санкцияларнинг таъсири билан боғлиқлигини айтган.
“Германияни қийин кунлар кутмоқда. Бу кунлар биз кутгандан ҳам тез бизни ва дунёни ўзгартиради. Олдинда бизни янада кўп муаммолар кутяпти”, – деган Штайнмайер Украина билан бирдамлик концертида сўзлаган нутқида.
Бундан олдин ГФР ҳукумати Москвага қарши санкциялар акс таъсирга ҳам эга эканини маълум қилганди. Хусусан, 25 март куни Германия фермерлари бирлашмаси озиқ-овқат маҳсулотлари нархининг кескин кўтарилишидан огоҳлантирганди. Бунга сабаб қилиб ёқилғи ва логистика билан боғлиқ муаммолар кўрсатилган.
Аввалроқ ЖСТ Россия-Украина можароси ортидан дунёнинг қашшоқ давлатларида озиқ-овқат исёнлари содир бўлиш хавфи борлигидан огоҳлантирганди.
