Ливанга "Spark" автомобилларининг биринчи партияси юборилди
"UzAuto Motors" АЖ ахборот хизмати хабар беришича, мартнинг сўнгги кунида компания Ливанга 54 дона ЛТ, АТ комплектацияли "Spark" автомобилларининг биринчи партиясини юборди. Кейинчалик Яқин Шарқ билан ушбу ҳамкорликни янада кенгайтириш режалаштирилмоқда.
Ўзбекистонда ишлаб чиқарилган Chevrolet автомобиллари сўнгги йилларда Қозоғистон, Озарбайжон, Тожикистон, Украина, Беларус, Афғонистон ва Россия бозорларида жуда рақобатбардош эканлигини кўрсатди, дейилади компания ахборот хизмати хабарида.
Аммо доимий ўзгариб бораётган халқаро вазиятда бозор имкониятларини кенгайтириш учун автомобиль ишлаб чиқарувчиларни тинимсиз ишлашга мажбур қилмоқда.
Мазкур фаолият доирасида "UzAuto Motors" Ливандаги энг йирик автомобиль дилерларидан бири — IMPEX компанияси билан ҳамкорликни йўлга қўйишга қарор қилди.
