Ўзбек боксчилари Руминиядаги халқаро турнирда биринчи бўлишди
Бокс бўйича “Golden Belt” номли халқаро мусобақа ўз якунига етди.
Унда иштирок этган Ўзбекистон терма жамоаси 6 та олтин медаль билан умумжамоа ҳисобида биринчи ўринни қўлга киритди.
Mусобақада 10 нафар боксчимиз финал йўлланмасини қўлга киритган ва 3 та вазнда ўзбек ўғлонларининг чемпионлик учун ўзаро рингга кўтарилиши жамоамиз камида 3 та олтин медални нақд қилишидан далолат берар эди. Якунда боксчиларимиз 6 та олтин, 4 та кумуш ва 3 та бронза медалларини қўлга киритди. Шубҳасиз, бундай натижага турнирда иштирок этган ҳеч қайси жамоа яқинлаша олмади.
Руминиядаги мусобақада ғолиб ва совриндор бўлган боксчиларимиз:
Олтин:
-48 кг: Асилбек Жалилов;
-54 кг: Шаҳзод Музаффаров;
-67 кг: Жавлон Юлдашев;
-75 кг: Саиджамшид Жаъфаров;
-80 кг: Дилшод Рўзметов;
+92 кг: Лазизбек Муллажонов.
Кумуш:
-75 кг: Абдулазиз Абдупаттаев;
-80 кг: Одилжон Аслонов;
-92 кг: Диёр Ўралов;
+92 кг: Жаҳонгир Зокиров.
Бронза:
-57 кг: Дилшод Абдумуродов;
-60 кг: Шунқор Абдурасулов;
-63,5 кг: Шохруҳбек Кенжаев.
