Европа Иттифоқи Россияга энергия ускуналарини етказиб беришни тақиқлади
Москва бешинчи санкциялар пакети жорий этилишини халқаро тажовуз акти билан таққослади.
Европа Иттифоқи бешинчи санкциялар пакети доирасида нефтни қайта ишлаш ва табиий газни суюлтириш учун ускуналар етказиб беришни тақиқлади, дейилади ЕИ сайтидаги ҳужжатда. Бундан буён нефтни қайта ишлаш ва табиий газни суюлтиришда фойдаланиш учун яроқли товар ва технологияларни, Россияга тўғридан-тўғри ёки билвосита сотиш, етказиб бериш, ўтказиш ёки экспорт қилиш тақиқланади.
Эслатиб ўтамиз, ЕИ 8 апрель куни Россияга қарши бешинчи санкциялар пакетини киритган эди.
Россияда янги санкцияларнинг киритилиши халқаро тажовуз акти билан солиштирилди.
