0
Мисрда сайёҳлик автобуси ёниб кетди
Франция ва белгиялик туристлар ҳалок бўлган.
Миср жанубидаги трассада сайёҳлик автобуси юк машинаси билан тўқнашиб, ёниб кетди, камида 10 киши, жумладан 4 нафар Франция ва 6 нафар Белгия фуқароси ҳалок бўлди. Ҳукумат маълумотларига кўра, фалокатда беш мисрлик ҳам ҳаётдан кўз юмган.
Қурбон бўлган мисрликлар орасида автобус ҳайдовчиси, унинг ёрдамчиси ва экскурсия бошлиғи ҳамда юк машинасида бўлган икки киши бор, дейилади прокуратура баёнотида.
Автобус Нил дарёсининг ғарбий қирғоғида, қадимий Луксор шаҳридан 55 километр жанубда жойлашган Эсна ибодатхонаси томон кетаётган эди.
ЙТҲ сабабларини аниқлаш бўйича суриштирув ишлари олиб борилмоқда.
