Twitter акциядори Илон Маскни судга берди
Маск Twitterнинг 9,2 % акциясига эгалик қилади
Twitter акциядорларидан бири дунёнинг энг бой одами Илон Маскни компаниядаги улушини белгиланган муддатда ошкор қилмагани ва акцияларни арзонроқ нархда харид қилагани учун судга берди. Бу ҳақда “ The Guardian” хабар берди.
Апрель ойи бошида SpaceX ва Tesla асосчиси Илон Маск Twitterдаги 9,2 фоиз улушга эга эканлигини эълон қилди, шундан сўнг компания акциялари нархи 20 фоизга ошган.
Даъвогар Марк Бейн Раселла ўз аризасида Маск компания акцияларини январь ойида сотиб олишни бошлагани ва 14 апрелгача акцияларнинг 5 фоиздан ортиғига эгалик қилганини даъво қилмоқда. АҚШ Қимматли қоғозлар ва биржалар комиссияси қоидаларига кўра, Маск ўн кун ичида, яъни 24 мартгача 5 фоизлик чегарадан ошиб кетгани ҳақида агентликни хабардор қилиши керак эди. Бунинг ўрнига миллиардер қимматли қоғозларни сотиб олишни давом эттирди ва маълумотларни фақат 4 апрель куни тақдим этди, у вақтда Маск аллақачон Twitter акцияларининг 9% дан кўпроғига эгалик қилган.
Эслатиб ўтамиз, аввалроқ Маск Twitter тармоғига ўзгартириш киритишни таклиф қилганди.
