Глобал иқтисодиёт ўсиши суръати пасаяди — Жаҳон Банки
Бу Марказий Осиё ва Европадаги иқтисодий вазият билан боғлиқ.
Жаҳон Банки глобал иқтисодиёт ўзиши прогнозларини пасайтирди. Бу ҳақда BBC хабар берди.
Унга кўра, дунё иқтисодиёти Украинадаги ҳарбий можаро сабаб 3.2 фоизга ўсади (аввалги прогноз 4.1 фоиз). Банк президенти Дэвид Малпасснинг таъкидлашича, бу Европа ва Марказий Осиё иқтисодий ўсиши секинлашиши билан боғлиқ.
Бундан аввал Жаҳон Банки уруш туфайли Украина иқтисодиёти 45 фоизга қисқаришини тахмин қилганди.
Экспертларнинг сўзларига кўра, ҳарбий можаро Шарқий Европага пандемиядан ҳам кучлироқ зарба беради.
Жаҳон банки ҳозирнинг ўзида Киевга 1 миллиард доллар ажратган. Яқин ойлар ичида эса қўшимчча 2 миллиард доллар беришни режалаштирмоқда.
Аввалроқ Осиё тараққиёт банкининг иқтисодий прогнозлари эълон қилинганди.
