Саудия Арабистони ва АҚШ муносабатлари янада совуқлашмоқда
The Wall Street Journal бунга доир махсус материал эълон қилди.
Россия-Украина ҳарбий тўқнашуви фонида Вашингтоннинг Саудия Арабистони билан муносабатлари янада совуқлашди. Бу ҳақда The Wall Street Journal ёзмоқда.
Газетанинг Америка ва саудиялик амалдорларга таяниб берган маълумотига кўра, икки томонлама муносабатлар сўнгги ўн йилликдаги "энг паст босқичга етди". Ҳатто 2019 йилда саудиялик журналист Жамол Қошиқчининг ўлдирилганда ҳам алоқалар бу даражада совуқлашмаган. Ўша пайтда президентликка номзод бўлган Жозеф Байден Ар-Риёдни қувғинди давлатга айлантиришга ваъда берганди.
Бу жараён 2022 йилда, Украина инқирози авжига чиққан пайтда давом эттирилди. Газета манбаларининг таъкидлашича, Оқ Уй Саудия Арабистони билан мулоқотда нефть қазиб олишни кўпайтириш ва шу орқали унинг нархини пасайтиришга чақирган. Аммо қироллик бунга ҳеч қандай муносабат билдирмаган.
"Охир-оқибат Саудия валиаҳд шаҳзодаси Муҳаммад бин Салмон Жейк Салливан [Байденнинг миллий хавфсизлик бўйича маслаҳатчиси] Жамол Қошиқчи ўлими масаласини кўтарганда бақирган ва бундан буён ушбу масалани АҚШ билан муҳокама қилмаслигини айтган. Шунингдек, у Вашингтон нефть қазиб олишни кўпайтириш бўйича илтимосини эсдан чиқариши мумкинлигини қўшимча қилган", — деган нашр манбаларидан бири.
Шунингдек, айрим маълумотларга кўра, бу келишмовчиликлар ортидан Пентагон раҳбарининг Ар-Риёдга ташрифи бекор қилинган. расман бу раҳбарият графигида юз берган ўзгариш билан боғлиқлиги айтилган бўлса-да, ўша куни Саудия Арабистонида Россиянинг халқаро санкциялар остидаги амалдори билан музокаралар ўтказилган.
Аввалроқ Саудия ва БАА етакчилари Байден билан гаплашишни истамагани маълум бўлганди.
