Павел Дуров БАА фуқаролигини олди
Шундай қилиб, энди унинг 4 та фуқаролик паспорти бор.
Телеграм мессенжери асосчиси Павел Дуров Бирлашган Араб Амирликлари фуқаролигини олди. Бу ҳақда “Форбес” журнали хабар бермоқда.
“Шундай қилиб, Дуров бир вақтнинг ўзида тўртта давлат – Россия, Кариб денгизида жойлашган Цент-Китс ва Невис штати, Франция ҳамда БАА фуқароси ҳиcобланади”, — дейилади мақолада.
Қайд этилишича, тадбиркор БАА паспортини 2021-йилнинг феврал ойида олган. У саёҳат ва хизмат сафарлари учун БАА ва Франсия ҳужжатларидан фойдаланади. Цент-Китс ва Невис фуқаролиги унга Россиядан кўчиб кетганидан кейинги йилларда зарур бўлган.
