Россия “махсус операция”сининг иккинчи босқичидан кўзланган мақсад нима?
Мудофаа вазирлиги жавоб берди.
Россия армияси “махсус операция”нинг иккинчи босқичида Донбасс устидан тўлиқ назорат ўрнатмоқчи. Бу ҳақда РФ марказий ҳарбий округи қўмондони ўринбосари генерал-майор Рустам Миннекаев маълум қилди.
“Махсус операциянинг иккинчи фазаси бошланди, армиянинг мақсадларидан бири – Донбасс ва Жанубий Украина устидан тўлиқ назоратни ўрнатиш”, – деган у.
Миннекаевнинг қўшимча қилишича, Донбасснинг тўла эгалланиши Қрим билан қуруқлик орқали боғланиш имкониятини беради. Жанубий Украинани назоратга олишдан мақсад эса “Днестрбўйига чиқиш”.
Маълумот ўрнида: Днестрбўйи де-юре Молдова ҳудуди ҳисобланади.
Аввалроқ Украина мудофаа вазири БМТ ва ЕХҲТни бошқа халқаро институтларга алмаштиришни таклиф қилганди.
