Саудиялик шаҳзодаларга пул етишмаяпти — The Wall Street Journal
Газета қироллик оиласи аъзоларининг "камбағаллашуви" сабабларини очиқлади.
Саудия Арабистони қироллик оиласи аъзолари сўнгги йилларда 600 миллион долларлик мулк сотган. Бу ҳақда The Wall Street Journal газетаси хабар берди.
Бунга сўнгги йилларда валиаҳд шаҳзода Муҳаммад бин Салмон томонидан молиявий сиёсатнинг қатъийлаштирилиши сабаб бўлган. Газета маълумотларига кўра, аввалроқ қироллик хонадони вакиллари ҳар ойда ғазнадан 30 миллион доллар олиб турган. Аммо валиаҳд шаҳзода эндиликда уларнинг кўплаб даромад манбаларидан маҳрум қилган. Хусусан, шаҳзодалар бундан буён давлат ҳисобидан хорижда дам ололмайди, шунингдек, сув ва электрга ўз ёнидан пул тўлайди. Бундан ташқари, бештадан ортиқ уй хизматчилари учун 2.5 минг доллар жарима тўланиши керак. Бу Саудия Арабистонига бир неча юз миллион доллар маблағ тежаш имконини беради.
Газетада таъкидланишича, қироллик оиласининг айрим аъзоларига хизматкорлар штатини таъминлаш ва кўплаб тўловлар учун нақд пул етишмайди. Бошқалар эса ортиқча эътиборни тортмаслик учун кераксиз мулкларни сотиб юборган.
Масалан, мамлакатнинг АҚШдаги собиқ элчиси Банден бин Султон ал Сауд Буюк Британияда умумий қиймати 155 миллион доллар бўлган ҳашаматли уйини, икки яхта ва қимматли буюмларини сотиб юборган. Ўз навбатида унинг вакили буни шаҳзоданинг Саудияга инвестиция киритиш истаги билан боғлаган.
Аввалроқ Саудия Арабистони ва АҚШ муносабатлари янада совуқлашгани тўғрисида хабар берилганди.
