Куба пойтахтидаги меҳмонхонада кучли портлаш юз берди
Оқибатда 8 киши ҳалок бўлгани айтилмоқда.
Куба пойтахти Гаванадаги “Саратога” меҳмонхонасида кучли портлаш содир бўлди. Бу ҳақда “Фокус” нашри хабар берди.
Қайд этилишича, воқеа эрта тонгда юз берган. Бинонинг икки қавати бутунлай вайрон бўлган. Шунингдек, яқин атрофдаги иншоот ва кўчаларга ҳам зарар етган.
Қурбонлар ҳақида ҳозирча расмий маълумот йўқ. Гувоҳлар ҳодиса оқибатида 8 киши ҳалок бўлганини айтишмоқда.
Маълумот учун: “Саратога” меҳмонхонаси 1880 йилда қурилган Кубадаги энг ҳашаматли тарихий ёдгорлик ҳисобланади. Унга Риҳанна, Мадонна ва Барак Обама каби таниқли шахслар ташриф буюрган. Меҳмонхона 96 та хона, 3 та бар, иккита ресторан, бассейн ва бизнес марказидан иборат.
