Афғонистондан Тожикистонга 7 та ракета отилди
4 та снаряд Амударёга тушган.
Афғонистонда “Исломий давлат” аъзолари Тожикистон қуролли кучлари жойлашган манзилга еттита ракета отишди. Хабарларга кўра, ўқ узувчи қурилма автомобилга ўрнатилган. Ўққа тутилганидан сўнг чегарачилар қарши томонга қарата ўт очган, бироқ улар қочишга муваффақ бўлган.
Тожикистон чегара хизмати Афғонистондан қилинган ҳужумни тасдиқлади.
Қайд этилишича, ҳодиса Хатлон вилоятининг Фархор туманида юз берган. Афғонистон томондан 7 та ракета отилган. 4 та снаряд Амударёга, яна 3 таси яқин атрофдаги ўрмонга тушган.
“Ҳарбий хизматчилар террорчилар бўлган машинани кўришган. Машина ёниб кетган, уч нафар ҳужумчи яраланган, бирининг аҳволи оғир”, — дейилади Спутник Тожикистон хабарида.
