Бразилиянинг собиқ президенти лавозимига қайтмоқчи
У октябрь ойида бўлиб ўтадиган сайловларда иштирок этади.
Бразилиянинг собиқ президенти Лула да Силва давлат раҳбари лавозимига қайта даъвогарлик қилиш ниятида эканлигини маълум қилди.
У амалдаги президент Жаир Болсонарони иқтисодий сиёсати, коронавирус пандемиясига қарши чоралари учун танқид қилди. Шунингдек, уни авторитаризм, демократия, суверенитет ва институтларга ҳужум қилишда айблади.
“Мамлакат бошдан кечираётган вазият бизни юзага келиши мумкин бўлган келишмовчиликларни енгишга мажбур қилади. Биз тоталитарга қарши туриш ва уни мағлуб этиш учун демократларни бирлаштирмоқчимиз”, — деди у.
Лула да Силва Болсонарони ёқилғи нархининг ошиши, инфляция, қашшоқлик ва ишсизликда ҳам айблади. У, агар сайланса, иқтисодий ўсишга эришишга ваъда берди.
