Шимолий Кореяда COVID-19 юқтирганлар ярим миллиондан ошди
Ким Чен Ин буни мамлакат тарихидаги “энг катта зарба” деб атади.
Шимолий Кореяда бир кунда 174 мингдан ортиқ COVID-19 инфекцияси қайд этилди. 21 киши коронавирусдан вафот этган. Бу ҳақда “Yonhap” ахборот агентлиги хабар берди.
Шимолий Кореяда апрел ойининг охиридан 14 майга қадар жами 524 440 та COVID-1919 ҳолати аниқланиб, 27 киши вафот этган. Беморлардан 243 630 нафари тўлиқ тузалиб кетган, 280 810 нафари ҳозирда даволанмоқда.
Шимолий Корея 12 май куни глобал пандемия бошланганидан бери биринчи марта мамлакатда коронавирус инфекцияси ҳолатларини расман тан олди.
Шимолий Корея етакчиси Ким Чен Ин коронавирус эпидемиясини “мамлакат ташкил топганидан бери энг катта зарба” деб атади.
Бир кун аввал Жанубий Корея КХДРга COVID-19 вакциналарини юборишни таклиф қилган эди. Россия Шимолий Корея сўраса, ёрдам беришини айтган.
