Зеленский Украина Хавфсизлик хизмати бошлиғини ишдан бўшатди
Украина етакчисининг маълум қилишича, у биринчи кунларданоқ шаҳарни ҳимоя қилиш ўрнига, фақат ўзини ўйлаган.
Владимир Зеленский Украина Хавфсизлик хизмати Харковь вилояти бошқармаси бошлиғи Роман Дудинни ишдан бўшатганини маълум қилди.
“Мен келдим, тушундим, Украина Хавфсизлик хизмати бошлиғини ишдан бўшатдим. Чунки у биринчи кунларданоқ шаҳарни ҳимоя қилиш ўрнига, фақат ўзини ўйлаган”, — дейди Зеленский.
Зеленский якшанба куни эрталаб Харковь вилоятига ташриф буюриб, у ерда ҳарбийлар билан учрашган эди.
Қайд этиш лозим, ҳозирда Харковь вилоятининг бир қисми Россия Қуролли кучлари назорати остида.
