Евроиттифоқ Россияга қарши олтинчи санкциялар пакетини тайёрлади
Бу сафарги санкциялар Путиннинг молиявий базасига қаратилган.
Евроиттифоқнинг Россияга қарши олтинчи санкциялар пакетини тайёрлади. Cанкциялар президент Владимир Путиннинг молиявий базасини йўқ қилади ва мамлакат иқтисодиётига жиддий зарба беради. Бу ҳақда Еврокомиссия раҳбари Урсула фон дер Леен маълум қилди.
“Энг муҳими шундаки, Путиннинг ортида олтита катта санкциялар пакети турибди. Бу эса унинг молиявий асосини йўқ қилади. Россия иқтисодий қаттиқ зарбага дош беролмайди”, — дейди Леен хоним.
ЕИ санкцияларининг олтинчи тўплами, шунингдек, ўнлаб россиялик тадбиркорларга, учта телеканалга чекловлар ва бир қатор рус банкларини SWIFTдан ўчиришни ҳам ўз ичига олади.
Бундан ташқари, ЕИ импорт қилинадиган Россия нефтининг 92 фоизидан воз кечиши кутилмоқда.
