Шимолий Кореяда COVID-19 бўйича вазият ёмонлашмоқда
ЖССТга кўра, Пхенян ҳақиқий маълумотларни очиқламаяпти.
Жаҳон соғлиқни сақлаш ташкилоти Шимолий Кореяда коронавирус эпидемияси ёмонлашмоқда деб тахмин қилмоқда.
Аммо мамлакат расмийлари COVID-19 секинлашаётгани ҳақида хабар берган. Ташкилотнинг фавқулодда вазиятлар бўйича раҳбари Майк Раяннинг айтишича,эпидемия ҳақида қўшимча маълумот сўраб Пхенянга мурожаат қилган. Бироқ бу масала муаммо бўлиб қолмоқда.
Раяннинг сўзларига кўра, ЖССТ Шимолий Корея расмийларига бир неча бор техник ёрдам ва таъминот, шу жумладан камида учта алоҳида ҳолатда COVID-19 вакциналарини таклиф қилган. Пхеньян бу таклифни ҳам жавобсиз қолдирди.
