КХДРга қатъий жавоб беришга тайёрмиз — Юн Сок Ёль
Бундан аввал Жанубий Корея ва АҚШ биргаликда баллистик ракета учирганди.
Жанубий Корея президенти Юн Сок Ёль КХДРнинг ҳар қандай провокацияларига қатъий жавоб беришини маълум қилди.
“Бизнинг ҳукумат қатъий ва тезда жавоб қайтаришга тайёр”, – деган президент.
Жанубий Корея етакчисининг қўшимча қилишича, Шимолий Кореянинг ядро ва ракета таҳдидлари тобора кучайиб бормоқда. Бу нафақат Корея яримороли, балки бутун дунёга хавф солаётгани таъкидланган.
Якшанба куни КХДР саккизта баллистик ракета отди. Бунга жавобан 6 июнь куни Сеул ва Вашингтон ҳам ракета учирди.
