Mango Россиядаги барча дўконларини сотади
Мулк ҳуқуқини топшириш жараёни яқин ойларда амалга оширилади.
Испаниянинг Манго бренди Россия бозорини тарк этади ва ўзининг франчайзинг моделида ишлайдиган дўконларини сотади. Бу ҳақда El País ва La Vanguardia компаниядаги манбаларга таяниб хабар берди.
Компания Россияда 800 ходим ишлайдиган 55 дўконга эгалик қилади. Бир нечта маҳаллий ҳамкорлар билан савдо шартномалари тузилган. Мулк ҳуқуқини топшириш жараёни яқин ойларда амалга оширилади.
Биринчи иккита Mango дўкони кейинги ҳафтада франчайзи эгаларига топширилади, июль ойининг охирига қадар яна 22 дўкон ўз ходимлари ва мамлакатдаги ҳамкорлар учун энг яхши вариантни излайди. Франчайзинг моделига кўра, ҳозирда Россияда 53 та Mango дўкони фаолият юритмоқда.
Келишув натижасида Mango Россияга мустақил равишда маҳсулот етказиб беришни тўхтатади. Харидларни Россияга товарларни ташиш йўлида логистика билан таъминлайдиган франчайзилар амалга оширади.
Mango ҳамкорлари ҳам компания ходимлари ва етказиб берувчиларига «содиқ қолади». Компания Интернет орқали тўғридан-тўғри савдоларни амалга оширмайди, бу амалиёт Россияда март ойи бошидан тўхтатилган.
