Россия озиқ-овқат танқислигидан қурол сифатида фойдаланмоқда — Жозеп Боррел
Европа Иттифоқи Африкага озиқ-овқат тақчиллиги учун ким айбдор эканлигини тушунтирди.
Европа Иттифоқи Россия қарши халқаро санкцияларнинг озиқ-овқат инқирозига, шу жумладан Африкага таъсирини рад этди. Ташкилотнинг ташқи ишлар ва хавфсизлик сиёсати бўйича Олий вакили Жозеп Боррел ғалла экспортига тўсқинлик қилаётган ва глобал озиқ-овқат инқирозига олиб келган транспорт инфратузилмасини вайрон қилаётган Европа Иттифоқи эмас, Россия эканлигини таъкидлади. Унинг айтишича, Москва озиқ-овқатдан қурол сифатида фойдаланилмоқда.
Боррелнинг қўшимча қилишича, Европа Иттифоқи айрим Африка етакчиларининг санкциялар оқибатлари ҳақидаги хавотирларини тинглаган.
“Биз Африка давлатларининг барча ташқи ишлар вазирларига бизнинг санкцияларимиз қандай ишлаб чиқилгани, улар қандай ишлаётгани, қандай оқибатларга олиб келиши ва кимга таъсир қилиши, нимага рухсат этилгани ва нимага йўл қўйилмаслиги ҳақида мактуб юборганмиз. Шу билан бирга, биз БМТ билан биргаликда баъзи иқтисодий субъектларнинг ҳаддан ташқари реакцияси юз бериши мумкин бўлган ҳолатларни ўрганишга тайёрмиз”, деди у.
Маълумки, Россия Қора денгизни тўсиб қўйган, шунинг учун Украина ўз озиқ-овқатини денгиз орқали экспорт қила олмайди. У, шунингдек, Ғарбни ўзига қарши санкциялар туфайли озиқ-овқат нархини кўтаришда айбламоқда.
