Британия Россияга қарши янги санкциялар пакетини эълон қилди
Бу галги пакет кенг қамровли тақиқларни ўз ичига олган
Британия ҳукумати Россияга қарши янги санкциялар эълон қилди. Унга кўра, Россияга самолёт ёқилғиси ва ёқилғи қўшимчаларини экспорт қилиш ёки ундан фойдаланишни тақиқланади.
Шунингдек, “Фунт стерлингдаги банкноталар ва Европа Иттифоқи давлатларининг банкноталарини Россияга олиб чиқиш ёки улардан фойдаланишни тақиқлаш, Россия билан алоқадор шахсларга бундай банкнотларни тақдим этиш ёки етказиб бериш ҳамда Россия Федерацияси ҳудудида фойдаланиш ҳам тақиқланади.", дейилади баёнотда.
Бундан ташқари, темир ва пўлат импорти билан боғлиқ техник ёрдам, молиявий хизматлар ва воситачилик хизматларини кўрсатиш соҳасида Россияга нисбатан чеклов чоралари кенгайтирилди. Энг муҳим саноат маҳсулотлари бўлган нефтни қайта ишлаш соҳасига оид товар ва технологияларни экспорт қилишга қўшимча чекловлар жорий этилмоқда. Чекловлар кимёвий ва биологик қуролларни ишлаб чиқариш учун ишлатилиши мумкин бўлган товарларга ҳам тегишли.
