Киевнинг Европа эшикларига йўли узоқ бўлади — Европа комиссияси раиси
Урсула фон дер Ляйен Украинада янги ислоҳотлар ўтказиш зарурлигини айтди.
Украинанинг Евроиттифоққа аъзолигини беш ой олдин тасаввур қилиб бўлмасди. Бу ҳақда Европа Комиссияси раиси Урсула фон дер Ляйен маълум қилди.
“Беш ой илгари Украинани ЕИ аъзолигига номзод мақомида тасаввур қилиб бўлмасди. Бугун Киевнинг танловини нишонлаш вақти келди”, – деган у мамлакат Олий Радаси (парламент)даги чиқишида.
Дер Ляйеннинг сўзларига кўра, Украинага кўплаб инвестициялар киритилади. Аммо бунинг учун мамлакатда янги ислоҳотлар ўтказиш зарур. ЕК раиси украиналиклар кучли антикоррупцион режим ярата олганини таъкидлаган. У олигархларнинг иқтисодиёт устидан назоратини йўқотиш муҳимлигини қайд этган.
“Ислоҳотлар ўтказиш ва институтларни ҳаракатга келтириш вақти келди.. Сиз учун асосий сигналим шундан иборат: олдинда жуда узоқ йўл турибди, аммо Еврапа эшикларига келгунингизча, биз сизни қўллаб-қувватлаймиз”, – деб қўшимча қилган сиёсатчи.
Аввалроқ Украина низоси якунлари бўйича учта вариант тахмин қилинганди.
